Փոխարժեքներ
27 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Ազատ ոճի ըմբշամարտիկ, ազատ ոճի ըմբշամարտի Հայաստանի հավաքականի անդամ Մուսա Մուրթազալիեւին այս տարի էլ դեռ բանակ չեն զորակոչի: ՀՀ սպորտի եւ երիտասարդության հարցերով նախարար Յուրի Վարդանյանը վաղը կառավարության հաստատմանը կներկայացնի Մուսա Մուրթազալիեւի` պարտադիր զինվորական ծառայության զորակոչից տարկետման ժամկետը երկարացնելու մասին որոշման նախագիծը:
Հարցն այն է, որ Մուրթազալիեւին արդեն իսկ տարկետում տրվել էր պարտադիր զինվորական ծառայությունից` մինչև 2013 թվականի ձմեռային զորակոչը: Մարզիկը հանդես է եկել 74 կիլոգրամ քաշային կարգում, 2011 եւ 2013 թվականներին Եվրոպայի մեծահասակների առաջնությունում գրավել է երկրորդ մրցանակային տեղը, միջազգային մրցաշարերի հաղթող եւ մրցանակակիր է:
«Քանի որ Մուսա Մուրթազալիեւը ազատ ոճի ըմբշամարտի Հայաստանի հավաքական թիմի կազմում նախապատրաստվում է մասնակցել 2016 թվականին Բրազիլիայում անցկացվելիք 31-րդ ամառային օլիմպիական խաղերին եւ 2014 թվականի Եվրոպայի ու աշխարհի առաջնություններին, անհրաժեշտություն է առաջացել երկարացնելու պարտադիր զինվորական ծառայության զորակոչից Մուսա Մուրթազալիեւի տարկետման ժամկետը՝ առայժմ մինչեւ 2014 թվականի ձմեռային զորակոչը»,- նշվում է որոշման նախագծի հիմնավորումներում:
Այսինքն` տարկետումը երկարաձգվում է 1 տարով, ինչպես օրենքն է պահանջում` դրանից ավելի երկարաձգել չի թույլատրվում: Ստացվում է` եթե Մուսա Մուրթազալիեւին տրվող տարկետումը բավարար է այս տարի անցկացվելիք Եվրոպայի ու աշխարհի առաջնություններին պատրաստվելու եւ հանդես գալու համար, ապա 2016 թվականի օլիմպիական խաղերին պատրաստվելու ու մասնակցելու համար ժամանակ չի տրվի` այս տարկետումով: Դրա համար է ներկայացված նախագծում թավ տառատեսակով շեշտվում «առայժմ» բառը, ինչը նշանակում է, որ մինչեւ 2014 թվականի ձմեռային զորակոչի ավարտը Մուսա Մուրթազալիեւին տրված տարկետումը մեկ անգամ եւս պետք է երկարաձգվի: