″Փարաջանով″ ֆիլմը մեծ էկրաններին կհայտնվի մարտին

ՀՀ նախագահ Սերժ Սարգսյանի կողմից պետական մրցանակի արժանացած ՍԵրժ Ավետիքյանի «Փարաջանով» ֆիլմը Երեւանում մեծ էկրաններին կլինի մարտ ամսին. yerkir.am-ի հետ զրույցում նշեց Սերժ Ավետիքյանը:

Հայաստանի, Ուկրաինայի, Ֆրանսիայի եւ Վրաստանի արտադրած ֆիլմը դեռեւս միայն Ուկրաինայում է կինովարձույթում հայտնվել` 2013-ի վերջերին:

«Սպասում ենք, որ մի քանի կինոփառատոների էլ մասնակցի, հետո նոր մեծ էկրաններին ցուցադրենք: Ֆրանսիայում էլ, հավանաբար, Կաննի կինոփառատոնում ցուցադրվելուց առաջ կլինի կինովարձույթում, իսկ Մոսկվայում` փետրվարին: Մարտ ամսին ես գալու եմ Հայաստան` պետական մրցանակը ստանալու, եւ հենց այդ ժամանակ էլ Հայաստանում տեղի կունենա ֆիլմի հանրային պրեմիերան»,-ասաց Ավետիքյանը:

Հիշեցնենք, որ ֆիլմը Հայաստանում ցուցադրվել է միայն մեկ անգամ` «Ոսկե ծիրան» կինոփառատոնի շրջանակներում: