«Փարաջանով» ֆիլմի ուկրաինացի համառեժիսորը հրաժարվել է ՀՀ պետական մրցանակից՝ Ղրիմի հետ կապված

«Փարաջանով» ֆիլմի պրոդյուսեր և համառեժիսոր Ելենա Ֆետիսովան ներկա չի գտնվի ՀՀ պետական մրցանակի շնորհման հանդիսավոր արարողությանը, որին արժանացել էր Սերգեյ Փարաջանովի մասին կինոնկարը. հայտնում է ukrinform.ua-ն:

Նրա խոսքերով՝ բոյկոտի պատճառ է դարձել Հայաստանի կողմից Ղրիմի հանրաքվեի ճանաչումը:

Ֆետիսովան բաց նամակ է գրել ՀՀ նախագահ Սերժ Սարգսյանին, որում արտահայտել է իր դիրքորոշումը: «Ես չեմ կարող ստանալ այդ մրցանակը, քանի որ դուք ճանաչում եք մի հանրաքվե, որը ես միջազգային նորմերի խախտում եմ համարում: Ինձ հասանելիք դրամական պարգևը կարող եք ուղղել հայ ծնողազուրկ երեխաների կարիքները հոգալուն»,- գրել է նա:

Նամակի տեքստը՝ այստեղ: