Վերնախավը փոշմանել է

«Հայկական ժամանակ» թերթը գրում է. «Երեկ ԱԺ-ի պաշտոնական կայքում այդպես էլ որեւէ տեղեկատվություն չտեղադրվեց, որ այսօր տեղի է ունենալու խորհրդարանի արտահերթ նիստ։ Իսկ կառավարության երեկվա նիստում հայտարարվեց, որ գործադիրի առաջարկությամբ ԱԺ արտահերթ նիստը տեղի է ունենալու դեկտեմբերի 20-ին, ժամը 15.00-ին։ Իշխանական ավելի ստորին շրջանակներում երեկ խոսվում էր, որ վերնախավը դեռ ամբողջությամբ չի վերադարձել ԼՂ-ից. նրանք որոշել են եւս մեկ օր մնալ Ստեփանակերտում՝ ներկա լինելու նաեւ Սերժ Սարգսյանի հոր այգալացին (էքնահողին) եւ դա է պատճառը, որ կառավարությունն առաջարկել էր նիստը ժամը 15.00-ին անցկացնել, իսկ կիսատ մնալու դեպքում շարունակել շաբաթ կամ երկուշաբթի օրը։ Ավելին, անգամ խոսվում էր, որ կառավարության անդամներն էլ, ովքեր երեկ հասել էին կառավարության ժամը 15.00-ի նիստին, ուղղաթիռով կրկին մեկնելու են Ստեփանակերտ։

Երեկ աշխատանքային օրվա ավարտին սակայն կառավարությունը պաշտոնական կայքում տեղեկատվություն տարածեց, որ խորհրդարանի այսօրվա  արտահերթ նիստն առաջարկում են ժամը 12.00-ին  անցկացնել։ ՀՀ վերնախավը կամաց-կամաց սկսել էր վերադառնալ Լեռնային Ղարաբաղից, եւ վերջին պահին, ըստ ամենայնի, որոշվել է ժամանակ չկորցնել, կրկին Ստեփանակերտ գնալու մտքից էլ հրաժարվել»։

Առավել մանրամասն` թերթի այսօրվա համարում