Հիմա էլ` հեծանվաերթ

Շաբաթ օրը՝ դեկտեմբերի 7-ին, ժամը 12:00-ին կազմակերպվելու է բողոքի երթ-ակցիա կենսաթոշակային պարտադիր վճարների դեմ` հեծանիվներով: Ակցիայի նախաձեռնողները հայտնում են, որ հեծանիվներով հավաքվելու են Ազատության հրապարակում և դրոշներով շարժվելու են Երևանի կենտրոնական փողոցներով դեպի Հանրապետության հրապարակ և հետադարձ` դեպի Ազատության հրապարակ:

Նախաձեռնողները հորդորում են լինել ակտիվ և անպայման մասնակցել այս ակցիային, որի նպատակն է իրազեկել մարդկանց և բացատրել, որ հարկավոր է միանալ կենսաթոշակային պարտադիր վճարների դեմ պայքարին: Հեծանվաերթի ընթացքում հանրությանը բաժանվելու են թեմային առնչվող թռուցիկներ: