Յանուկովիչն արդարացել է Ալիևի առաջ

Ուկրաինայի նախագահ Վիկտոր Յանուկովիչը արդարացել է Ադրբեջանի նախագահ Իլհամ Ալիևի առաջ վերջինիս՝ Ուկրաինա կատարած այցի ժամանակ տեղի ունեցած զավեշտալի դեպքի համար:

Բանն այն է, որ Ադրբեջանի նախագահի դիմավորման  արարողության ժամանակ  նախագահի պահակազորի հրամանատար Ռոման Կուրիշկոն անզգույշ կերպով  թափահարել է սուրը և գլխից վայր գցել իր իսկ գլխարկը: Նա նույն  րոպեին ուղղել է իր սխալը և այնքան հմտորեն, որ Յանուկովիչը սկսել է ժպտալ, իսկ Ալիևը նույնիսկ չի նկատել ուկրինացի զինվորի «վրիպումը»:

Ըստ Росбалт-ի՝ Կուրիշկոյի հայրը պատմել է, որ իր  որդին չի ազատվի աշխատանքից, ինչպես նաև նշել է, որ Յանուկովիչը արդարացրել է Ռոմանին Ալիևի առաջ՝ ասելով, որ տղան պարզապես շատ է հուզվել: