Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
2014թ բյուջեի քննարկման ժամանակ ՀՀ աշխատանքի և սոցիալական հարցերի նախարար Արտեմ Ասատրյանին գործազուրկների նպաստի վերաբերյալ հարց ուղղեց ԲՀԿ խմբակցության պատգամավոր Միքայել Մելքումյանը. «Կ՞ան երաշխքիներ, որ, «Գործազուրկների նպաստ» ծրագիրը փոխարինելով այլ ծրագրերով, կունենանք որակական երաշխիքներ»:
Նախարարը նշեց, որ զբաղվածության ոլորտում բոլոր ծրագրերը չափվելու են որակական չափանիշներով, արվելու են վերլուծություններ: Արտեմ Ասատրյանի խոսքով` ամենակայուն ցուցանիշը զբաղվածության ցուցանիշն է, այսինքն` անել այնպես, որ ծրագրի ավարտից հետո վեց ամսվա ընթացքում ծրագրում ընդգրկված գործազուրկն աշխատանքի անցնի:
«Դա շատ պարզ նպատակ է: Մեր վերլուծությունները ցույց են տվել, որ ամենաանարդյունավետ ծրագիրը «Գործազուրկների նպաստ» ծրագիրն էր: Նոր ծրագրերից մենք ակնկալիքներ ունենք: Ծրագրի ավարտից հետո նոր կարող ենք խոսել որակական ցուցանիշների մասին»,- ասաց նախարարը:
Միքայել Մելքումյանի մյուս հարցը աղքատության ցուցանիշի նվազեցման մասին էր` արդյոք՞ նոր ծրագրերով ծախսեր անելով` 2017-ին կունենանք աղքատության ցուցանիշի նվազեցում 35 տոկոսից: Նախարարը պատասխանեց, որ աղքատության ցուցանիշի նվազեցման ամենալավ միջոցը աշխատատեղեր ունենալն է, իսկ, առհասարակ, 1 տոկոս տնտեսական աճը 0,6 տոկոսով նվազեցնում է աղքատության ցուցանիշը: