Էական չէ՝ 2018–ին ով կլինի վարչապետ կամ նախարար, մենք մեր ծրագիրն ենք իրականացնում. Ամիրյան

Այսօր խորհրդարանում լրագրողների հետ զրույցում մշակույթի նախարար Արմեն Ամիրյանը նշեց, որ Կարեն Կարապետյանի թիմում իրեն շատ լավ է զգում: «Ես Կարեն Կարապետյանի թիմում ինձ շատ լավ եմ զգում և շատ համակարգված աշխատանքի մեջ եմ»,- ասաց նախարարը:

Դիտարկմանը` եթե 2018-ից հետո վարչապետի պաշտոնում Կարեն Կարապետյանը չնշանակվի, պատրա՞ստ է իրականացնել այն ծրագրերը, որոնք ներկայացրել է, Ամիրյանը պատասխանեց. «Իսկ դուք գիտե՞ք՝ մեկ ժամ հետո ձեզ հետ ինչ է լինելու: Մենք հնգամյա ծրագիր ենք ներկայացրել և պատրաստ ենք այն իրականացնել: Դրա համար ունենք բոլոր ուժերն ու հնարավորությունները»:

Հարցին, թե արդյո՞ք վարչապետի փոփոխությունը չի ազդի նախարարության ներկայացրած ծրագրերի վրա, նախարարը պատասխանեց. «Ես ձեր հարցերը չեմ հասկանում: Մենք իրականացնում ենք ՀՀԿ-ի` այս թիմով ներկայացրած ծրագիրը, և էական չէ անգամ, թե ով կլինի վարչապետ կամ նախարար»: