Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ԱԺ-ում 2014 թ. բյուջեի քննարկումների ժամանակ ԱԺ ՀԱԿ խմբակցության պատգամավոր Արամ Մանուկյանը, անդրադառնալով ԼՂ հարցին, նախ ներկայացրեց իր մտահոգությունները: «Սա այն դեպքն է, երբ SOS պետք է հնչեցնել, դրա համար էլ, կներեք, բայց ես պետք է խոսեմ»,- ասաց պատգամավորը` նշելով, որ հասկանում է փոխարտգործնախարար Զոհրաբ Մնացականյանի վիճակը, որովհետև հիմա նա էլ անորոշության մեջ է ու չի տեսնում հեռանկարը, չի երևում արտաքին քաղաքականության դոկտրինը:
«Մեր երկիրը խարխափողի, մերժվածի ու ձախողվածի կարգավիճակում է: Այսօր, ՄՄ-ի հետ կապված, սեղանին դրվում է Ղարաբաղի հարցը` հետադիմական Բելառուսի կողմից, և Հայաստանի իշխանությունները լալկանությամբ են ընդունում դա: Դուք` որպես ինֆորմացված մարդ, եթե զգաք, որ ՄՄ մտնելու համար Ղարաբաղն է պայմանը, ինչպիսի՞ն կլինի Ձեր դիրքորոշումը` որպես պատվարժան մարդ, ի՞նչ առաջարկ կներկայացնեք Ձեր ղեկավարին»,- հետաքրքրվեց Արամ Մանուկյանը:
Փոխարտգործնախարարը նշեց, որ կխուսափի մտնել անձնական դաշտ: «Ե'վ ես, և' Դուք, բոլորս աշխատում, ապրում ենք այս երկրում, ապրում ենք նույն հոգսերով ու խնդիրներով: Իմ փորձը ցույց է տալիս, որ ես երբևէ չեմ աշխատել այն տեղում, ուր կարիք կլիներ հայրենասիրության մրցակցության, ես չեմ աշխատում այն մարդկանց հետ, ովքեր ունեն հայրենասիրության պակաս, առավել ևս` ԼՂ հարցի հետ կապված: Չի եղել ու չի լինի մոտ ապագայում: Այս հարցում կա կոնսենսուս, մենք ունենք մեր տեսակետը, թե ինչպես պետք է կարգավորվի ԼՂ հարցը: Հավատացնում եմ, որ ո'չ ես, ո'չ էլ որևէ մեկը չենք ունենա կարմրելու պատճառ»,- վստահեցրեց Մնացականյանը: