Լուիշ Ֆիգուն կարող է ստանձնել ՊՍԺ-ի մարզական տնօրենի պաշտոնը

Ֆրանսիական ՊՍԺ-ի մարզական նոր տնօրեն կարող է դառնալ պորտուգալացի Լուիշ Ֆիգուն, ով այժմ Միլանի «Ինտեր»-ում ներկայացուցչական պաշտոն է զբաղեցնում:

ՊՍԺ-ի սպորտային նախկին տնօրեն` բրազիլացի Լեոնարդոն լքեց պաշտոնը այն բանից հետո, երբ խաղադաշտում մրցավարին հրելու համար երկարաժամկետ որակազրկում ստացավ:

Պորտուգալիայի ազգային հավաքականի նախկին ֆուտբոլիստը գլխավորում է այդ պաշտոնը զբաղեցնողների ընտրացուցակը: Երկրորդը ՊՍԺ-ի նախկին ֆուտբոլիստ Պեդրու Պաուլետան է, երրորդ թեկնածուի անունն անհայտ է. հայտնում է Le Рarisien-ը:

40-ամյա Ֆիգուն իր կարիերայի ընթացքում  խաղացել է «Բարսելոնա»-ում, «Ռեալ»-ում, «Ինտեր»-ում: 2000-ին ճանաչվել է Եվրոպայի լավագույն ֆուտբոլիստ, նույն թվականին էլ` ՖԻՖԱ-ի վարկածով աշխարհի լավագույն ֆուտբոլիստ: