Իվանիշվիլին երազում է իրագործել իր գլխավոր ծրագիրը

Վրաստանի վարչապետ Բիձինա Իվանիշվիլին մտադիր է մինչեւ նոր տարի լքել իր պաշտոնը. տեղեկացնում է Новости-Грузия-ն վկայակոչելով EUobserver-ին Իվանիշվիլիի տված հարցազրույցը:

«Նա (Իվանիշվիլին) ասել է, որ մինչեւ նոր տարի կհեռանա վարչապետի պաշտոնից, որպեսզի աշխատի ոչ կառավարական սեկտորում եւ իրագործի իր գլխավոր ծրագիրը: Այդ ծրագրի նպատակն է մաքրել Վրաստանը էլիտար կոռուպցիայից, ստեղծել լավ դպրոցներ, հիվանդանոցներ եւ ճանապարհներ, նաեւ ներգրավել օտարերկրյա ներդրողների ու զբոսաշրջիկների»,- ասվում է գործակալության տեղեկատվության մեջ:

Այս տարվա հունիսին Իվանիշվիլին էստոնական Postimees հրատարակությանը հայտնել էր, որ նախագահական ընտրություններից հետո, որոնք կայանալու են այս տարվա հոկտեմբերի 27-ին, հեռանալու է քաղաքական կյանքից: