ՀՀԿ-ական օր­վա խրո­նի­կա

Ֆեյս­բուք­նե­րի­ց ու օր­վա լրա­հո­սից հոգ­նած, թե­ ինչ մտ­քով­ս ան­ցավ, մտա ­ա­պա­հով երկ­րիս մի­ակ ապա­վեն կու­սակ­ցու­թյան` ՀՀԿ-ի կայ­քը` տես­նե­լո­ւ ինչ կա-չկա կու­սակ­ցու­թյան ներ­սում, ին­չով են շնչում նրա բազ­մա­հա­զա­րա­նոց շար­քե­րը, ինչ­պես են մար­զա­յին կա­ռույց­ները պայ­քա­րում կո­ռուպ­ցի­ա­յի և հո­վա­նա­վոր­չու­թյան դեմ, գա­ղա­փա­րա­կան ինչ կա­րև­որ քննար­կում­ներ են ծա­վալ­վում կու­սակ­ցա­կան բջիջ­նե­րում: Ի դեպ, ես հենց գա­ղա­փա­րա­կան նո­րու­թյուն­նե­րի ­ու խ­մո­րում­նե­րի ­ակն­կա­լիք ու­նեի, քա­նի որ այս կու­սակ­ցու­թյու­նում են մտքի այն­պի­սի տի­տան­ներ, ինչ­պի­սիք են` Գա­լուստ Սա­հա­կյա­նը, Էդո­ւարդ Շար­մա­զա­նո­վը, Ար­մեն Աշո­տյա­նը, Սամ­վել Ալեք­սա­նյա­նը, Մհեր Սեդ­րա­կյա­նը և ու­րիշ­ներ: Մա­նա­վանդ` մեծ հույ­ս ու­նե­ի ­Շար­մա­զա­նո­վից. հե­չ որ չ­լի­նի, մար­դը գա­ղա­փա­րա­կան պայ­քա­րի առաջ­նա­դիր­քե­րում է և ՀՀԿ գա­ղա­փա­րա­կան հեր­թա­պա­հի պոս­տը­ չի լ­քե­լ եր­բեք, այն­քան, որ յուր ան­ձով դար­ձել է հենց այդ պոս­տը և պոս­տու­լա­տը:

Ավաղ, ՀՀԿ պաշ­տո­նա­կան կայ­քի հու­լի­սի 23-ի լրատ­վա­կան պատ­կերն իմ ակն­կա­լի­քից հե­ռու էր ավե­լի քան. ո'չ մի «ին­տե­լեկ­տո­ւալ հետք» Սա­հա­կյա­նից, Աշո­տյա­նից, Շար­մա­զա­նո­վից, նույ­նիսկ սեդ­րա­կյա­նա­կան առտ­նին հայ­հո­յան­քը չէր պայ­ծա­ռաց­րել ՀՀԿ-ական գորշ առօ­րյան: Փո­խա­րե­նը` իմա­ցա, որ այդ օրը վար­չա­պետ Տ. Սարգ­սյանն ըն­դու­նել է մեր երկ­րում դի­վա­նա­գի­տա­կան առա­քե­լու­թյունն ավար­տող Ռու­մի­նի­ա­յի ար­տա­կարգ և լի­ա­զոր դես­պան տի­կին Կրի­նա Ռու­դի­քա Պրի­նա­րի­ո­ւին, որի ըն­թաց­քում, բնա­կա­նա­բար, հա­վուր պատ­շա­ճի հա­ճո­յա­խո­սու­թյուն­ներ են հնչել, դի­վա­նա­գի­տա­կան սի­րա­լի­րու­թյուն­ներ փո­խա­նակ­վել. մեր Տիգ­րա­նի էլի­տար նրբա­վա­րու­թյու­նը` գի­տեք:

Հու­լի­սի 23-ը Հան­րա­պե­տա­կան կու­սակ­ցու­թյան հա­մար մեկ ու­րիշ անց­քով էլ էր նշա­նա­վոր­վել. նույն Տ. Սարգ­սյա­նի նա­խա­գա­հու­թյամբ` կա­ռա­վա­րու­թյու­նում տե­ղի էր ու­նե­ցել Հյու­սիս-հա­րավ ճա­նա­պար­հա­յին մի­ջանց­քի և քա­ղա­քա­յին կա­յուն զար­գաց­ման ներդ­րու­մա­յին ծրագ­րե­րի կա­ռա­վար­ման խորհր­դի հեր­թա­կան նիս­տը: Ան­շուշտ, ՀՀԿ-ական չլի­նե­լով` ես ի զո­րու չէ­ի ­ամ­բողջ խո­րու­թյամբ հաս­կա­նալ սույն հան­դի­պում­նե­րի և նիս­տե­րի ամ­բողջ կու­սակ­ցա­կան ներ­քին «բո­վան­դա­կու­թյու­նը», դրանց ՀՀԿ-ական «պա­թո­սը», գա­ղա­փա­րա­կան «հմայ­քը», ուս­տի` առաջ ան­ցա:

Մյուս ­լու­րը գա­ղա­փա­րա­կան առու­մով դար­ձյալ ան­հաս­կա­նա­լի էր. Երև­ա­նի և Ստե­փա­նա­կեր­տի մի­ջև հա­մա­գոր­ծակ­ցու­թյան ծրագ­րով քա­ղա­քա­յին տնտե­սու­թյան կա­ռա­վար­ման տար­բեր ոլորտ­նե­րում փոր­ձի փո­խա­նակ­ման շրջա­նա­կում Երև­ա­նի քա­ղա­քա­պե­տի գլխա­վոր խորհր­դա­կան Վա­նո Վար­դա­նյա­նը հան­դի­պել էր Ստե­փա­նա­կեր­տի քա­ղա­քա­պե­տի առա­ջին տե­ղա­կալ Սու­րեն Թամ­րա­զյա­նի հետ: Այս լու­րի ՀՀԿ-ական ներ­քին «բո­վան­դա­կու­թյունն» ու «պա­թոսն» էլ լի­ա­կա­տար չըմբռ­նած` ան­ցա մյուս­ լու­րին, բայց դա ար­դեն նա­խորդ օր­վան էր վե­րա­բե­րում, հե­տև­ա­բար ինձ մնում էր մտո­վի ար­ձա­նագ­րել հու­լի­սի 23-ի ՀՀԿ-ական օր­վա ամ­բողջ ­հունձ­քը` Տ. Սարգ­սյա­նը հան­դի­պել է, Տ. Սարգ­սյա­նը նիս­տում նա­խա­գա­հել է, Երև­անն ու Ստե­փա­նա­կեր­տը բա­նակ­ցել են...

Ահա­վա­սի'կ ՀՀԿ-ական մեկ օր­վա խրո­նի­կան, ահա­վա­սի'կ ին­չով են իրենց­ հու­լիս 23-ի օր­ն ապ­րել ու շն­չել երկ­րիս հա­մա­րյա եր­կու հա­րյուր ­հա­զար հան­րա­պե­տա­կան­նե­րը: Եվ պատ­կե­րաց­նելն իսկ սար­սա­փե­լի է, թե ինչ աղետ կլի­ներ, եթե խեղ­ճե­րը հան­կարծ չի­մա­նա­յին, թե օր­վա ըն­թաց­քում ինչ է արել, ում է ըն­դու­նել, ում է ճա­նա­պար­հել երկ­րի վար­չա­պե­տը. ՀՀԿ-ակա­նի նրանց օրը­ հաս­տատ մե­ռած կլի­ներ: Թար­սի պես` նա­խա­գահն ու ԱԺ նա­խա­գահն էլ ար­ձա­կուր­դում են:

Լև­ոն ՍԱՐԳՍՅԱՆ