Վթար` բողոքի ակցիայի հետեւանքո՞վ

Այսօր Խանջյան փողոցի կանգառներից մեկում մի խումբ անհայտ մարդիկ, անպարկեշտ խոսքերով դիմելով 100 դրամ վճարելու կոչ անող ակտիվիստներին, դատապարտել են նրանց նախաձեռնությունը: Նրանք պնդել են, թե այդպիսով վարորդներին շեղում, վթարների պատճառ են դառնում ու ժողովրդին օգուտ տալու փոխարեն վնաս են տալիս:

Ակցիային խոչընդոտող անձանցից մեկի խոսքերով` ակտիվիստներից մեկը կանգառում երթուղայինի ընթացքն է կանգնեցրել, որպեսզի վրան փակցնի «Վճարում ենք 100 դրամ» գրությամբ թուղթը, դրա հետևանքով էլ «Մերսեդես» մակնիշի ավտոմեքենան բախվել է երթուղայինին:

Ակտիվիստների այն պարզաբանմանը, որ ամեն օր տարբեր պատճառներով վթարներ են լինում, և որ անիմաստ է մեղադրել իրենց վթարի համար, ակցիան դատապարտողներից մեկն արձագանքել է. «100 դրամանոցը դուք եք, էլի»: