Տողանոց լուրեր

Չոր «ատկազ»

Ադամանդագործ Աշոտ Սուքիասյանի որոնումները Վլադիմիր Գասպարյանին պատահաբար դուրս են բերել Խաչատուր Աբովյանի հետքի վրա: Պարոն Գասպարյանն իսկույն զանգահարել է մշակույթի նախարար տիկին Հասմիկին, սակայն վերջիս, իմանալով ով է իր հետ խոսում, կարճ է կապել՝ ես ոչ մի Խաչատուր Աբովյան էլ չեմ ճանաչում:

Արի տուն

ՀՀ Սփյուռքի նախարար տիկին Հրանուշն օրերս ընդունել է սփյուռքահայ նշանավոր տիեզերագնաց-ադամանդագործ Աշոտիկին: Վերջինս, ցնցված տիկին նախարարի անչափ ջերմ գրկախառնությունից, հայտարարել է՝ այստեղ լավ է, քան Կիպրոսում:

Լեզվապեղում

Համեմատական լեզվաբանության հայ մասնագետների երկարատև ու դժվարին պրպտումները սկսել են արդյունք տալ: Մասնավորապես, Մաշտոցի աշակերտների երիտասարդ սերնդի ներկայացուցիչ,  բանասեր, վերջին տարիներին հայրենի քաղաքական գործիչների լեզվական գոհարներով «հիացող» Լևոն Սարգսյանը պարզել է, որ Գալուստ Սահակյանը խոսում է հին աքքադերենի մեռած բարբառներից մեկով: Ժողովրդի համար անհասկանալի այդ լեզուն, ՀՀԿ կարկառուն տեսաբանի պատվին, Լևոն Սարգսյանն անվանել է ՀՀԿ-երեն:

Հրայր Գեղեցիկ

Որպեսզի ՀՀ արդարադատության նախարարի իր հանգամանքով չազդի օֆշորի գործի քննության վրա, Հրայր Թովմասյանը աղջիկ լրագրողին ասել է.

-Չեմ պատասխանի քո հարցերին,

Որքան էլ դյութես, օ՛, Շամիրամ...

Պատահար` դալանում

Փաստորեն, երիցս ճիշտ էր Վահան Հովհաննիսյանը, երբ ասում էր՝ Սերժ Սարգսյանը չլինի, ՀՀԿ-ին դալաններում կծեծեն: Ահա խնդրեմ, նախագահն ստիպված արձակուրդից վերադարձավ, որ Իշխան Զաքարյանը ԱԺ դալանում ՀՀԿ-ական կառավարությանը մինչև վերջ չտփի:

Էդիկ Անդրեասյան