Դա­լան­նե­րի ''թե­ման''

«Եթե ընտ­րու­թյուն­նե­րում ձեր թեկ­նա­ծու­թյունն առա­ջադ­րեք, ու ձեզ չպաշտ­պա­նի հան­րա­պե­տու­թյան նա­խա­գա­հը, ոս­տի­կա­նու­թյու­նը, բա­նա­կը, դուք մեր ժո­ղովր­դի մեջ ոչ մի ձայն չեք հա­վա­քի. ձեզ այն­քան կծե­ծեն դա­լան­նե­րում, տղե'րք, որ դուք կար­տա­գաղ­թեք»,- օրեր առաջ Ազ­գա­յին ժո­ղո­վի նիս­տում, դի­մե­լով իրե­նից առաջ ելույթ ու­նե­ցած Ար­մեն Աշո­տյա­նին և Հրայր Թով­մա­սյա­նին, ասել էր ԱԺ ՀՅԴ խմբակ­ցու­թյան պատ­գա­մա­վոր Վա­հան Հով­հան­նի­սյա­նը: ՀՀԿ-ական նշված գոր­ծիչ­նե­րի ինք­նա­մե­ծար պա­թե­տիզ­մը ակն­հայ­տո­րեն դուր չէր եկել Վ. Հով­հան­նի­սյա­նին, և նա ար­ձա­գան­քել էր ՀՀԿ-ական ինք­նա­գո­հու­թյանն ու գո­ռո­զամ­տու­թյա­նը:

Երեկ, լրագ­րող­նե­րի հետ ճե­պազ­րույ­ցի ժա­մա­նակ, ՀՀ ար­դա­րա­դա­տու­թյան նա­խա­րար Հրայր Թով­մա­սյանն անդ­րա­դար­ձել է Վահան Հովհան­նի­սյա­նի հեգ­նա­կան դի­տարկ­մա­նը և իր ափ­սո­սան­քը հայտ­նել: «Ես ցա­վում եմ,- ասել է նա,- որ Ազ­գա­յին ժո­ղո­վում ին­տե­լեկ­տո­ւալ պատ­գա­մա­վոր­նե­րից մեկն ու­ժի դիր­քե­րից է խո­սում»: Մեկ հա­տիկ այս նա­խա­դա­սու­թյունն էլ բա­վա­կան է, որ ունկն­դի­րը բա­վա­րար պատ­կե­րա­ցում կազ­մի այն մա­սին, թե ինչ է մտա­ծում ար­դա­րա­դա­տու­թյան նա­խա­րա­րը սե­փա­կան երկ­րի խորհր­դա­րա­նի, հայ­րե­նի իշխա­նու­թյան և հա­րա­զատ կու­սակ­ցու­թյան մա­սին: Վ. Հով­հան­նի­սյա­նին հա­մա­րե­լով ԱԺ «ին­տե­լեկ­տո­ւալ պատ­գա­մա­վոր­նե­րից մե­կը»` Թով­մա­սյա­նը խոս­տո­վա­նու­թյան նման մի բան է անում. փաս­տո­րեն, ըստ բարձ­րաս­տի­ճան ՀՀԿ-ակա­նի, Ազ­գա­յին ժո­ղո­վում կան նաև ոչ ին­տե­լեկ­տո­ւալ­ներ: Իսկ ամե­նա­հե­տաքր­քիրն այն է, որ այդ­պի­սիք` ոչ ին­տե­լեկ­տո­ւալ, կա­րող էին լի­նել մի­այն իշ­խող ու­ժի ներ­կա­յա­ցուցիչ­նե­րը, որով­հե­տև մի­այն նրանք կա­րող էին, չնա­յած ան­բա­վա­րար ին­տե­լեկ­տին ու նույ­նիսկ դրա չգո­յու­թյա­նը, իշ­խա­նու­թյան ու­ժով հայտն­վել խորհր­դա­րա­նում: Ակն­հայտ է, որ որևէ իս­կա­պես ընդ­դի­մա­դիր ուժ իրեն չէր կա­րող թույլ տալ անգ­րա­գետ գե­նե­րալ ու կիսագրա­գետ մե­ծա­հա­րուստ խորհր­դա­րան բե­րե­լու «շռայ­լու­թյու­նը»:

Այս ակա­մա խոս­տո­վա­նու­թյու­նից հե­տո Թով­մա­սյա­նը զար­գաց­րել է միտ­քը` Վ. Հով­հան­նի­սյա­նին հի­շեց­նե­լով, որ ան­ցյա­լում` 12 տա­րի առաջ, ին­քը, որ­պես թեկ­նա­ծու, մաս­նակ­ցել է հա­մա­պե­տա­կան ընտ­րու­թյուն­նե­րի և այն­քան ձայն հա­վա­քել, որ եր­բևէ չի կա­րո­ղա­ցել հավա­քել նույն Հով­հան­նի­սյա­նը: Ար­դա­րա­դա­տու­թյան նա­խա­րա­րի այս փաս­տար­կը թե­րևս կա­րող էր աշ­խա­տել, եթե փաս­տար­կո­ղը չմո­ռա­նար մի շատ էա­կան հան­գա­մանք` այն ժա­մա­նակ, երբ ընտ­րա­տա­րածք­նե­րից մե­կում իր ձայ­նա­ռատ հունձքն էր անում, ին­քը ո'չ ար­դա­րա­դա­տու­թյան նա­խա­րար էր, ո'չ էլ, առա­վել ևս, Հան­րա­պե­տա­կան կու­սակ­ցու­թյան ան­դամ: Իսկ այս եր­կու հան­գա­մանքն այն­քան էա­կան էին ընտ­րո­ղի հա­մար, որ որևէ մե­կի մոտ կաս­կած չի մնում, թե այն օրե­րի հա­սա­րա­կա­կան ակ­տիվ գոր­ծիչ, մար­դու իրա­վունք­նե­րի ջեր­մե­ռանդ պաշտ­պան Հրայր Թով­մա­սյանն իս­կա­պես կա­րող էր ար­ժա­նա­նալ ընտ­րո­ղի վստա­հու­թյա­նը:

Բայց այդ օրե­րից ջրեր են հո­սել, այդ «ջրե­րում» Հրայր Թով­մա­սյա­նը բա­րե­բախ­տու­թյուն, թե դժբախ­տու­թյուն է ու­նե­ցել մկրտվե­լու իբ­րև ՀՀԿ-ական, դրա­նից առաջ` պաշ­տոն ստանձ­նե­լու, հե­տև­ա­բար` դեռ մեծ հարց է` նա կստա­նա՞ր նույն ընտ­րո­ղի ձայ­նե­րը հի­մա, երբ առաջ­վա ան­բա­սիր Հրայ­րը չէ: Այն­պես որ, պա­րո'ն Թով­մա­սյան, դա­լան­նե­րի «թե­ման» այդ­քան էլ հեշտ չէ փա­կել:

Լև­ոն ՍԱՐԳՍՅԱՆ