''Արմավիան'' ինքն իրենից տեղյակ չէ

Երեկ Ազգային ժողովում ՀՀ ֆինանսների նորանշանակ նախարար Դավիթ Սարգսյանը հայտարարեց, թե «Արմավիա» ավիաընկերության դեմ դատական հայց է ներկայացվել:

Նրա տեղեկացմամբ՝ ՀՀ պետական եկամուտների կոմիտեն դատական հայց է ներկայացրել ընդդեմ «Արմավիա» ընկերության՝ օդի հարկի գանձումների հետ կապված:

Երեկ ընկերության հասարակայնության հետ կապերի և լրատվության Վարչությունից «Ժողովուրդ»-ը փորձել է պարզել, թե դա ինչ դատական հայց է, և ինչ է պատրաստվում անել ընկերությունը: Սակայն մամուլի ծառայությունից հայտնել են, որ իրենք առաջին անգամ են լսում, որ նման բան կա. «Մեզ գրավոր հարց ուղղեք վաղը, կտեսնենք՝ նման հարց կա, թե ոչ»: