Դատավորների թեկնածուների ցուցակը կլրացվի

2013 թվականի ապրիլի 5-ին կայացավ ՀՀ արդարադատության խորհրդի նիստ, որի ընթացքում քննարկելով դատավորների թեկնածությունների ցուցակի վարչական մասնագիտացման բաժինը լրացնելու վերաբերյալ հարցը և ղեկավարվելով Հայաստանի Հանրապետության Սահմանադրության 95-րդ հոդվածի 1-ին կետով, Հայաստանի Հանրապետության դատական օրենսգրքի 111-րդ հոդվածի 1-ին մասով, 117-րդ հոդվածով և «Հայաստանի Հանրապետության դատական օրենսգրքում փոփոխություն և լրացում կատարելու մասին» 28.12.2012թ. ՀՕ-246-Ն օրենքի 3-րդ հոդվածով` Արդարադատության խորհուրդը որոշեց.

Առավելագույն ձայներ ստացած անձանց թեկնածությունները ներկայացնել Հայաստանի Հանրապետության Նախագահի հաստատմանը` դատավորների թեկնածությունների ցուցակի վարչական մասնագիտացման բաժինը լրացնելու առաջարկությամբ:

Այս մասին հաղորդում է ՀՀ արդարադատության խորհրդի աշխատակազմը: