Երեք մրցանակ` միջազգային մրցաշարում

Հայաստանի բռնցքամարտի հավաքականի երկու խումբ մասնակցել է  տարբեր երկրներում զուգահեռաբար անցկացված միջազգային  բարձր կարգի մրցաշարերի:

Ուկրաինայի Խերսոն քաղաքում  հեղինակավոր մրցակիցների հետ մենամարտեց գյումրեցի Հովհաննես Բաչկովը (60 կգ): Նա անկոտրում կամք դրսևորեց օլիմպիական խաղերի մասնակիցների նկատմամբ: Հաղթեց լոնդոնյան մարզահանդեսի  հինգերորրդ մրցանակակիր , ուզբեկստանցի Գաիբ Նազարովին , ուկրաինացի Օլեգ Չեռնյակին , իսկ   խերսոնցի Պավել Իշչենկոյի  հետ կայացած եզրափակիչ մենամարտում մրցավարները միավորների չնչին տարբերությամբ հաղթանակը շնորհեցին տանտիրոջը: Բայց  գրաված երկրորդ տեղը նույնպես պատվաբեր է շնորհալի գյումրեցու համար:

Դժգոհելու տեղիք չտվին նաև Ղազախստանի Ուրալսկ քաղաքի միջազգայինում հանդես եկած մեր տղաները: Երևանցիներ  Կորյուն  Սողոմոնյանը (49 կգ )  և Ազատ Դավթյանը (91 կգ) կանգնեցին պատվո պատվանդանի երրորդ աստիճանին:

Մրցաշարերը Հայաստանի բռնցքամարտիկների համար  մայիսի 31-ին Մինսկում մեկնարկելիք Եվրոպայի առաջնության  նախապատրաստական  փուլերից էին: