Գործադուլի պատճառով 500 չվերթ հետաձգվել է

Գերմանիայում Lufthansa ավիաընկերությունը մոտ 500 չվերթ է հետաձգել աշխատակիցների գործադուլի պատճառով. հաղորդում է BBC-ն:

Ֆրանկֆուրտի, Մյունխենի, Դյուսելդորֆի, Բեռլինի, Համբուրգի և Քյոլնի օդանավակայաններից այսօր առավոտյան իրականացվելիք չվերթները հետաձգվել են:

Գործադուլին հիմնականում մասնակցում են տեխնիկական անձնակազմը, սննդի մատակարարները, ոչ թռիչքային անձնակազմը: Իսկ Բեռլինում գործադուլին միանալու է նաև օդանավերի աշխատակազմը:

Գործադուլավորները պահանջում են աշխատավարձները բարձրացնել 5.2 տոկոսով` ընկերության 33 հազար աշխատակիցների համար, ինչպեսև երաշխիքներ տալ աշխատատեղը չկորցնելու վերաբերյալ: