Անգրագիտությո՞ւն, թե՞ տգիտություն

Լրագրող Հարություն Հարությունյանը, անդրադառնալով այսօր Րաֆֆի Հովհաննիսյանի հրավիրած հանրահավաքում Զարուհի Բոստանջյանի ելույթին, facebook-յան իր էջում գրել է.

«Նախ` մեկ շատ կարեւոր դիտարկում: «Հայաստանի չորրորդ հանրապետություն» ձեւակերպումը անգրագիտություն է, կամ որ ավելի վատ է, հատուկ է ասվում: Ուրեմն` Հայաստանի Հանրապետւթյունը, սկսած 1918 թվականից, Հայաստանի Հանրապետություն է: Այն կերտվել է Սարդարապատի, Բաշ Ապարանի, Ղարաքիլիսայի ճակատամարտերով, նվիրյալ քաղաքացիների եւ պետական գործիչների զոհողության գնով, 1988-ի զարթոնքով, Արցախյան ազատամարտով եւ միջազգային ասպարեզներում Հայաստանը ներկայացնող մեր հայրենակիցներով: Մեր մտավորականներով եւ ներկա քաղաքացիական հասարակությամբ: Եվ ոչ ոք իրավունք չունի, կառավարման մոդելից ելնելով, հանրապետությունը համարակալել»: