Սահակաշվիլին մտադիր չէ փակի տակ նստել

Վրաստանի նախագահ Միխեիլ Սահակաշվիլին վրդովեցուցիչ է համարում Ազգային գրադարանի մոտ կատարվածը, երբ երեկ իր կողմնակիցների եւ հակառակորդների միջեւ բախումներ էին եղել եւ իրեն թույլ չէին տվել ելույթ ունենալ այնտեղ. տեղեկացնում է Новости-Грузия-ն:

Երեկ երեկոյան, իր նստավայրից ելույթ ունենալով, նա ասել է. «Խորհրդարանի նախագահն ինձ հաղորդել է, որ լավ կլինի` դուրս չգամ պալատից: Նման բան արդեն տեսել ենք, երբ առաջին նախագահին (Զվիադ Գամսախուրդիային) փակել էին կառավարական տանը եւ բունկերում: Եվ ինչո՞վ վերջացավ այդ պատմությունը Վրաստանի համար, ավելի ճիշտ` այն չի ավարտվել, այլ շարունակվում է` մենք գիտենք` Աբխազիայիի եւ Ցխինվալի իրավիճակով»:

Սահակաշվիլին ընդգծել է, որ մտադիր չէ փակի տակ նստել. «Ոչ ոք ինձ չի ստիպի փակված մնալ ո'չ պալատում, ո'չ բունկերում»: