Րաֆֆի Հովհաննիսյանը` արտգործնախարա՞ր, Բագրատյանը` էկոնոմիկայի նախարա՞ր. ''Հրապարակ''

«Հրապարակը» գրում է, թե վերջերս իշխանական կուլիսներում ակտիվացել են խոսակցությունները «ազգային համաձայնության կառավարություն» ստեղծելու շուրջ: Ըստ որի` ընտրություններից հետո Սերժ Սարգսյանը ձեւավորելու է կառավարություն, որում ներկայացված են լինելու նաեւ բարձր ձայներ ստացած թեկնածուները. մասնավորապես, Րաֆֆի Հովհաննիսյանին նախատեսում են առաջարկել արտգործնախարարի, իսկ Հրանտ Բագրատյանին` էկոնոմիկայի նախարարի պաշտոնները:

«Աբսուրդ. անհնար է նման բան»,- սրան ի պատասխան՝ արձանագրեց իշխանական իրազեկ աղբյուրը:

Բանն այն է, որ «համաձայնության կառավարության» մեջ ընդգրկվելու են ոչ թե նախագահի թեկնածուները, այլ` ԲՀԿ-ն: ՀՀԿ-ի հայտնի թեւը` Հովիկ Աբրահամյանի գլխավորությամբ, փորձում է լուծել ընտրություններին չմասնակցող ԲՀԿ-ին ապագա կառավարության մեջ ընդգրկելու հարցը: Սրանով նաեւ փորձ է արվում կանխել ԲՀԿ կազմաքանդումը: