Իվանիշվիլիի` Երեւանում արած հայտարարության հետեւանքները

Վրաստանի փոխարտգործնախարար Նիկոլոզ Վաշակիձեն հրաժարական է տվել` պատճառաբանելով, թե չի կարող համակերպվել երկրի արտաքին քաղաքական ներկա կուրսի հետ: Այս մասին գրում է civil.ge լրատվական կայքը: Վրացական լրատվամիջոցները մեջբերում են նաեւ փոխարտգործնախարարի այն խոսքը, թե իր հեռանալը կապված է նաև վարչապետ Բիձինա Իվանիշվիլիի` Հայաստանում արած հայտարարության հետ: Թե ո՞ր հայտարարության մասին է խոսքը, չի մանրամասնվում: Երկրի արտաքին գործերի նախարարությունը դեռ չի որոշել, թե ով կփոխարինի Վաշակիձեին փոխարտգործնախարարի պաշտոնում:

Հիշեցնենք, որ Իվանիշվիլի` Երեւանում արած հայտարարություններից մի քանիսի դեմ իր բողոքն էր հայտնել նաեւ Վրաստանի նախագահ Միխեիլ Սահակաշվիլին: Նրան հատկապես դուր չէին եկել Բաքու-Թբիլիսի-Կարս երկաթգծի վերագործարկման ու ՆԱՏՕ-ի եւ Ռուսաստանի միջեւ հավասարության նշան դնելու` վարչապետի գաղափարները: