Իվանիշվիլիի կենտրոնի մոտ մանրադրամ գցես, միլիարդատեր կդառնաս

Թբիլիսիում տաքսիների վարորդները, անցնելով վարչապետ Բիձինա Իվանիշվիլիի բիզնես կենտրոնի մոտով, մանրադրամ են դուրս նետում:

Facebook-ի իր էջում Վրաստանի խորհրդարանական փոքրամասնության պատգամավոր, բնապահպանության նախկին նախարար Գոգա Խաչիձեն գրել է, որ ինքն անձամբ ականատես եղել այդ երեւույթին:  «Տաքսիով անցնում էի բիզնես կենտրոնի մոտով, երբ վարորդը մանրադրամ դուրս նետեց` հայտարարելով, թե նոր նախանշան կա` այստեղ մանրադրամ գցես, միլիարդատեր կդառնաս»,- գրում է պատգամավորը:

Խաչիձեն ինքն էլ է հետադարձ ճանապարհին մանրադրամ գցել: «Զգացի, որ մեքենայի սրահում անմիջապես հանգստություն տիրեց ու լավատեսություն ի հայտ եկավ, որ ամեն ինչ լավ է լինելու»,- հեգնում է նա:

Ի դեպ, Վրաստանի վարչապետի բիզնես կենտրոնի տարածքը կարող է մուրացկանների համար լավ «աշխատավայր» դառնալ. գրում է apsny.ge-ն: