Հայաստանի վերջը՝ փետրվարի 19-ին

ՀՀՇ-ի համագումարը շարունակվում է: ՀԱԿ-ին մաս կազմող «Ժողովրդավարական ուղի» կուսակցության նախագահ Վարդան Գրիգորյանը հայտարարեց, որ այս համագումարը բախտորոշ է` համագումարի եզրակացությանը շատերն են սպասում եւ ոչ միայն ՀԱԿ-ից:

«Չնայած ամբողջ աշխարհը սպասում էր դեկտեմբերի  21-ի աշխարհի վերջին, բայց ՀՀ-ի կործանումը կլինի, եթե մեր ժողովուրդը սխալ ընտրություն կատարի փետրվարի 19-ին»,- հայտարարեց ՀԱԿ անդամը եւ վստահեցրեց, որ այդ օրը կառուցելու են ազատ, անկախ Հայաստան:

Ելույթով հանդես եկավ նաեւ ՀԱԿ խմբակցության ղեկավար Լեւոն Զուրաբյանը: Նա հիշեց իր եւ Օսկանյանի գաղտնալսված զրույցի ձայնագրությունը եւ նշեց, որ իշխանություններն ամեն ինչի պատրաստ են:

Զուրաբյանն ընդգծեց, որ մեր երկիրը նմանվում է Թուրքմենստանին: Տեր-Պետրոսյանի առաջադրման-չառաջադրման մասին նա որեւէ ակնարկ չարեց:

Ի դեպ, երբ Զուրաբյանի ելույթի վերջում բոլորը բղավում էին «Պայքար, պայքար մինչեւ վերջ», նա ամբիոնից հեռանալիս հայտարարեց՝ «Ու վերջ»: 

Այս պահին ելույթ է ունենում Լևոն Տեր-Պետրոսյանը: