Բաքուն ապակառուցողական դիրքորոշում ունի եւ խախտում է պայմանավորվածությունները

Բաքուն ապակառուցողական դիրքորոշում ունի Ղարաբաղյան հակամարտության կարգավորման հարցում եւ խախտում է ձեռք բերված պայմանավորվածությունները. այսօր ՀԱՊԿ Հավաքական անվտանգության խորհրդի նիստում հայտարարել է ՀՀ նախագահ Սերժ Սարգսյանը` հավելելով, որ դա լուրջ սպառնալիք է տարածաշրջանի համար. տեղեկացնում է РИА Новости-ն:

«Նույնիսկ շփման գծում տեղի ունեցած միջադեպերի հետաքննության մեխանիզ ստեղծելու  եւ դիպուկահարներին դուրս բերելու մասին, թվում է, ձեռք բերված պայմանավորվածությունը տորպեդահարվում է պաշտոնական Բաքվի կողմից»,- ասել է նա:

Սերժ Սարգսյանի խոսքերով`Ադրբեջանում տարվում է ակտիվ հակահայկական քարոզչություն, Բաքուն շարունակում է  ռազմատենչ քաղաքականությունը եւ սպառազինությունների մրցավազքը:

ՀՀ նախագահի կարծիքով` հակամարտության կարգավորման միակ ուղին բանակցություններն են: «Մենք ելնում ենք այն բանից, որ ռազմական գործողությունների վերսկսումը ձեռք բերված հրադադարից հետո, որն արդեն 18 տարի է` պահպանվում է, կամ նույնիսկ վերսկսման սպառնալիքը միջազգային իրավունքի նորմերի եւ սկզբունքների ուղղակի խախտում է: Դա ամենաանհեռանկար ճանապահն է դեպի նոր բռնություն, ատելություն, արյունահեղություն»,- հայտարարել է Սերծ Սարգսյանը:

Նա հիշեցրել է, որ ՀԱՊԿ հիմնարար  սկզբունքներից է անդամ պետությունների միջեւ հարաբերությունների առաջնահերթությունը, եւ ՀԱՊԿ անդամների խնդրել է չմոռանալ այդ սկզբունքը ու չաջակցել այնպիսի նախաձեռնությունների, որոնք կարող են վնասել Հայաստանի շահերին:

Ադրբեջանն, ի տարբերություն Հայաստանի, ՀԱՊԿ անդամ չէ: