Նոր մարտի 1 թույլ չի տա

Եթե ԱԺ ՀՀԿ խմբակցության ղեկավար Գալուստ Սահակյանը կարծում է, որ Տեր-Պետրոսյանի ցանկությամբ  նոր մարտի 1 կլինի, ապա նրա գործընկեր Արտակ Զաքարյանը առավել քան համոզված է, որ առաջին նախագահը նման բան պարզապես չի ցանկանա:

Yerkir.am-ի հարցին ի պատասխան` Զաքարյանը վստահեցրեց, որ ընդդիմությունը հասկացել է, որ 2008-ին կատարվածի առյուծի բաժինն իրենցն է: Այդ գիտակցումն էլ առիթ է դարձել, որ այսօր ՀԱԿ-ն ավելի կառուցողական դիրքերից հանդես գա:

«Փորձում են ամեն ինչ անել, որ հանրահավաքները խաղաղ լինեն: Թեեւ պետք է խոսոտովանել, որ իրենց հայտարարություններով սրում են ստեղծված իրավիճակը, լարվածություն մտցնում իշխանությունների հետ փոխհարաբերություններում»,- հավելեց պատգամավորը: