Ադրբեջանցի լրագրողներին ստիպել են լքել Նախիջեւանը

Նախիջևանի հասարակական անվտանգության վարչությունը պահանջել է Բաքվից ժամանած լրագրողներին և իրավապաշտպաններին լքել երկիրը. տեղեկացնում է «Ռեգնում»-ը:

Նախիջևանի ներքին գործերի նախարարության ներկայացուցիչը բացատրել է, որ տեղի մարդու իրավունքների պաշտպանից բողոք է եկել, որ Բաքվից ժամանածներն իրենց վատ են պահում:

Լրագրողներին և իրավապաշտպաններին թույլ չեն տվել նաեւ հանդիպել Նախիջևանի ՄԻ պաշտպան Ուլքյար Բայրամովի հետ` պատճառաբանելով, որ ընդունելությունն իրականացվում է միայն նախօրոք պայմանավորվածությամբ:

Այս առումով էլ Նախիջևանը շարունակում է մնալ Անդրկովկասի ամենափակ տարածաշրջանը, որտեղ ոտնահարվում են մարդու իրավունքները: