Հող ուտելը նաեւ խրախուսելի է

Շատ երեխաներ սովորություն ունեն հող ուտել կամ կեղտոտ ձեռքերը բերանը դնել: Այժմ ծնողները կարող են չանհանգստանալ. գիտնականներն ապացուցել են, որ դա այդքան էլ սարսափելի չէ, քանի որ հողը և կավը շատ դրական ազդեցություն ունեն ստամոքսի աշխատանքի վրա. տեղեկացնում է doctors.am-ը: Բացի այդ` մարդիկ կարող են առանց անհանգստանալու հող ուտել, քանի որ դրա մեջ մեծ քանակությամբ սննդարար նյութեր կան` երկաթ, ցինկ, կալցիում:

Գեոֆագիան կամ հող ուտելը լայն տարածում ունի տարբեր մշակույթներում: Կորնելի համալսարանի մասնագետներն ուսումնասիրել են բժիշկների և գիտնականների ավելի քան 480 վկայություն:

Ուսումնասիրության ղեկավար Սերա Յանգն ասում է. «Գեոֆագիայի մասին առաջին գրավոր վկայությունն ունի 20 000 տարվա պատմություն: Դրա հեղինակը Հիպոկրատն է»:

Ըստ վիճակագրության` գեոֆագիան գրանցվում է հիմնականում գյուղական կամ հեռու բնակավայրերում` երեխաների ու հղի կանանց մոտ: Առանձին դեպքերում գեոֆագիան կապված է լինում շիզոֆրենիայի, դեպրեսիայի կամ հոգեկան այլ հիվանդությունների հետ: