Հերքում

«Երբ  ես  փոքր էի   ռեյտինգ  չկար»  հոդվածում  հրապարակել եք,  որ Հանրային հեռուստաընկերությունն ինձ հետ  խզել է   իմ  ֆիլմերի  ցուցադրության մասին պայմանագիրը,  սակայն. 

ա) Հանրային հեռուստաընկերությունը չէր կարող ինձ հետ  խզել մի պայմանագիր, որն ուղղակի   չի կնքել,

բ) Հանրային հեռուստաընկերությունը գնել է իմ երկու ֆիլմերի բացառիկ հեռարձակողի իրավունքը և բարեխղճորեն կատարել ստանձած բոլոր պարտավորությունները,

գ) Հանրային հեռուստաընկերությունն այս պահին չի հեռարձակում իմ  ֆիլմերը ոչ թե այն պատճառով, որ  դրանք «ռեյտինգային» չեն (ինչպես  պնդում է հոդվածագիրը), այլ  ուղղակի ես  նոր  ֆիլմերի առաջարկ չեմ ներկայացրել իրավաբանական այդ  անձին։

Այնուամենայնիվ, շնորհակալություն Yerkir.am-ին իմ ֆիլմերի  ճակատագրով   մտահոգվելու համար: Չմոռանանք  ներողություն հայցել այս կայքի այցելուներից`  նվաստիս գործունեության  մանրամասներով նրանց բեռնելու  համար։

Վարդուհի Սիմոնյան

«Ճերմակ տանգո Սարի թաղում» ֆիլմի սցենարի հեղինակ և  ռեժիսոր