Պատրաստվում ենք համահայկական համաժողովի

Այսօր տեղի է ունեցել Սփյուռքի կազմակերպությունների ներկայացուցիչների և համայնքների ղեկավարների համահայկական համաժողովի կազմկոմիտեի նիստը, որի ընթացքում քննարկվել են համահայկական համաժողովի նախագիծը եւ ընդունվելիք հռչակագիրը: Նիստի ընթացքում քննարկվել են չորս թեմատիկ նիստերի անցկացման ձևաչափը եւ թեմատիկ նիստերում քննարկվելիք նյութերի շրջանակը: Յուրաքանչյուր թեմատիկ նիստ կունենա նիստավայր:

Միջոցառումը կանցկացվի սեպտեմբերի 18-20-ը, որի ընթացքում կլինեն քննարկումներ, մամլո ասուլիս, հանդիպում Հայաստանի Հանրապետության նախագահ Սերժ Սարգսյանի հետ, այցելություն Ցեղասպանության հուշահամալիր եւ տարբեր մշակութային միջոցառումներ: Համաժողովը կրելու է Հայրենիք-Սփյուռք խորագիրը եւ ունենալու է 400-ից ավելի մասնակիցներ: