ՀԱՅՈՑ ԱՇԽԱՐՀ. Պետք է բացատրի

Տնտեսական մրցակցության պաշտպանության պետական հանձնաժողովը շաքարավազի շուկայում ամենամեծ մասնաբաժինը` 99,9 տոկոս ունեցող «Ալեքս Գրիգ» ընկերությունից պահանջել է շաքարավազի գների բարձրացման վերաբերյալ տեղեկատվություն:

Օգոստոսի 23-ին, Երեւանի սուպերմարկետներում արձանագրելով շաքարավազի գների բարձրացում, հանձնաժողովը մոնիտորինգ է անցկացրել` պարզելով` 1 կգ շաքարավազի գինը բարձրացել է մոտ 80 դրամով` հասնելով մինչեւ 430 դրամի:

10 օրվա ընթացքում ընկերությունը պետք է ներկայացնի տեղեկատվություն` ինչ գնով է ձեռք բերել շաքարավազը, որ երկրից, ինչ գնով է մաքսազերծել եւ ինչ գնով է շաքարավազն իրացրել խանութներում: