Խաչատուրովի մասին լուրերն ապատեղեկատվություն է

Այսօր պաշտպանության նախարարի մամուլի քարտուղար Դավիթ Կարապետյանը մեկնաբանելով մամուլում տեղ գտած տեղեկություններն այն մասին, իբր  Զինված ուժերի Շտաբի պետ Յուրի Խաչատուրովը մի հավաքի ժամանակ անդրադարձել է ազատագրված հողերը  վերադարձնելու անհրաժեշտությանը, այդ հրապարակումները «պարզապես ապատեղեկատվություն» որակելով:

«ՀՀ զինված ուժերի գլխավոր շտաբի պետը զինված ուժերի զինվորական ամենաբարձր պաշտոնատար անձն է և իրականացնում է զինված ուժերի կառավարումը: Ղարաբաղյան հարցի կարգավորման շուրջ բանակցությունները ոչ թե զինվորական, այլ քաղաքական իշխանությունների իրավասությունն են: Զինված ուժերի գլխավոր շտաբի լիազորությունները սահմանված են Պաշտպանության մասին ՀՀ օրենքի 14-րդ հոդվածով: 

Գեներալ-գնդապետ Յուրի Խաչատուրովը ակտիվորեն մասնակցել է արցախյան պատերազմին և քաջ գիտակցում է, թե ինչ զոհողություններով է ձևավորվել Լեռնային Ղարաբաղի Հանրապետության անվտանգության գոտին»,- ասված է ՊՆ խոսնակի տարածած հաղորդագրության մեջ: