Դարձյալ չի մահացել

Լիբիայի կառավարությունը հերթական անգամ հերքել է երկրի առաջնորդ Մուամմար Քադաֆիի կրտսեր որդու` Խամիս Քադաֆիի սպանության մասին լուրերը:

Reuters  գործակալության փոխանցմամբ` Լիբիայի կառավարության ներկայացուցիչը  նրա մահվան մասին լուրերը «ապստամբեների կեղտոտ հնարքներն» է համարել:

Հիշեցնենք, որ այսօր հերթական անգամ լիբիացի ապստամբները լուրեր էին տարածել այն մասին, որ իրենց հաջողվել է ոչնչացնել` Լիբիայի բանակի հատուկ ուժերի 32-րդ բրիգադի հրամանատար Խամիս Քադաֆին:

Լիբիայում ռազմական գործողությունների սկզբից ի վեր արդեն մի քանի անգամ լիբիացի ապստամբներին հաջողվել է «սպանել» Քադաֆիի կրտսեր որդուն:

Վերջին անգամ նրա սպանվելու մասին լուրեր տարածվել էին մարտ ամսին, սակայն ընդամենն օրեր անց Խամիսը հայտնվել էր հեռուստաեթերում: