Այսօր շոկոլադի օրն է

Այսօր աշխարհի բոլոր շոկոլադասերները տոնում են շոկոլադի օրը, որն առաջին անգամ նշվել է 1995թ. Ֆրանսիայում։

Կարծիք կա, որ շոկոլադ առաջինը պատրաստել են ացտեկները։ Նրանք շոկոլադն աստվածների սնունդ էին համարում։

Իսպանացի կոնկիստադորները, ովքեր առաջինը շոկոլադը բերեցին Եվրոպա, այն սեւ ոսկի էին անվանում և օգտագործում ֆիզիկական ուժը վերականգնելու համար։

Գաղտնիք չէ, որ շոկոլադը ոչ միայն համեղ է, այլեւ օգտակար. գիտնականները պարզել են, որ այն պարունակում է այնպիսի նյութեր, որոնք խթանում են հոգեկան կայունությունը եւ օգնում հանգստանալ: Մուգ շոկոլադը բարձրացնում է տրամադրությունը եւ դանդաղեցնում ծերացումը: Վարկած կա նաև, որ շոկոլադը հակաքաղցկեղային ազդեցություն ունի:

Մասնագետները նշում են, որ շոկոլադը պետք է ճիշտ ուտել. եթե ցանկանում եք ուտել շոկոլադե ողջ սալիկը, ապա այն պետք է ուտել օրվա առաջին կեսին, իսկ եթե ցանկանում եք ուտել միայն մեկ կտոր, ապա այն կարելի է անել օրվա ցանկացած ժամի: