Փոխարժեքներ
06 10 2024
|
||
---|---|---|
USD | ⚊ | $ 386.99 |
EUR | ⚊ | € 426.85 |
RUB | ⚊ | ₽ 4.07 |
GBP | ⚊ | £ 509.55 |
GEL | ⚊ | ₾ 141.53 |
Հայաստանում դիվանագիտական առաքելությունն ավարտող ԱՄՆ դեսպան Մարի Յովանովիչը երեկ այցելել է «Ազատ դեմոկրատներ» նորաստեղծ կուսակցության գրասենյակ եւ կուսակցության ղեկավարության հետ քննարկել Հայաստանի ներքին եւ արտաքին քաղաքական հիմնախնդիրներին վերաբերող հարցեր:
Հիշեցնենք, որ «Ազատ դեմոկրատներ» կուսակցությունը 2010թ. ամռանը հիմադրել են ՀՀՇ-ից հեռացված մի քանի գործիչներ՝ այս կուսակցության վարչության նախկին փոխնախագահ Խաչատուր Քոքոբելյանի գլխավորությամբ:
Նախկինում չի եղել որեւէ դեպք, երբ ԱՄՆ դեսպանը նման շտապողականությամբ արձագանքի հայաստանյան որեւէ կուսակցության ստեղծմանը: Չի կարելի բացառել, որ նման տարօրինակ շտապողականության պատճառը Հայ ազգային կոնգրեսի եւ նրա ներկայիս գործունեության նկատմամբ նախկին ՀՀՇ-ականների տրամադրվածությունը ժամ առաջ ճշտելու անհրաժեշտությունն էր:
Դեսպանը, թերեւս, փորձում է թույլ չտալ, որպեսզի իր «հոգեզավակը» հանդիսացող իշխանություն-ՀԱԿ երկխոսությունը վտանգի ենթարկվի ՀՀՇ-ի եւ ՀԱԿ-ի ներքին խոհանոցից բավականաչափ տեղյակ, փաստացի Լեւոն Տեր-Պետրոսյանի ամբիցիաների զոհը դարձած այս մարդկանց ակտիվ գործունեության արդյունքում: