ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Ղուկասյանների աղը կարտահանվի Չինաստա՞ն

Ըստ մեր տեղեկությունների` այս օրերին Ավանի աղի հանքի տնօրինությւոնը կապեր է փնտրում Չինաստանի հետ, որպեսզի կազմակերպի յոդացված աղի խոշոր խմբաքանակների արտահանումն այդ երկիր:

Աղի մագնատներին հուսադրել եւ նոր բիզնես ծրագրեր է հուշել Չինաստանում տիրող աղային խուճապը` կապված «Ֆուկուսիմա-1» ատոմակայանի ռեակտորների վթարի հետեւանքով ռադիոակտիվ տարրերի դեմ պայքարելու անհրաժեշտության հետ: ԶԼՄ-ները գրել են, որ պարենային խանութներից մարդիկ գնում են առաջին անհրաժեշտության ապրանքներ, որոնց շարքում առաջին տեղում աղն է, քանի որ հայտնի է, որ, ի տարբերություն արդեն իսկ վարակված եւ վտանգավոր ծովային աղի, յոդացված աղն օգնում է, որպեսզի օրգանիզմն ավելի արագ հաղթահարի ճառագայթման ազդեցությունը: Չնայած չինական իշխանությւոնների կողմից տարածվող բացատրություններին, թե վտանգն այլեւս անցած է, եւ կարիք չկա խուճապահար աղ գնել, աղն անհետացել է մայրաքաղաք Պեկինի, ինչպես նաեւ մի քանի գավառների պարենային խանութներից:

Ըստ լուրերի` Ղուկասյաններն այնքան են ոգեւորվել, որ մտածել են` հայկական աղի պաշարները չեն բավականացնի, եւ գուցե հարկ լինի` նախ այլ երկրից աղ ներմուծել, ապա արտահանել Չինաստան: