Բժիշկների դեմ քրեական գործ է հարուցվել

«Սուրբ Աստվածամայր» բժշկական կենտրոնի աշխատակիցների  նկատմամբ ոստիկանության Շենգավիթի քննչական բաժնում հարուցվել է քրեական գործ`պարտականությունները ոչ պատշաճ կատարելու, անփույթ եւ անբարեխիղճ վերաբերմունք դրսեւորելու համար. տեղեկացնում է ՀՀ դատախազությանհանրային կապերի վարչությունը:

Հիշեցնենք, որ մայիսի սկզբին  Էջմիածին քաղաքի բնակիչ, 2004թ. ծնված Գ. Մովսիսյանի փոխարեն բժիշկները սխալմամբ վիրահատարան էին տարել Ախուրյան գյուղի բնակիչ, 2006թ. ծնված Ն. Դարբինյանին, որի ծնողները, բարեբախտաբար, շուտ գլխի ընկնելով, թե ինչ է կատարվում, կարողացել էին դադարեցնել արդեն սկսված վիրահատությունը: Երեխայի առողջությանը պատճառվել էր միջին ծանրության վնաս` առողջության տեւական քայքայումով: