Սոսո Պավլիաշվիլիի դեմ քրեական գործ է հարուցվել

Վրաստանում ռուսաստանաբնակ հայտնի երգիչ Սոսո Պավլիաշվիլիի դեմ քրեական գործ է հարուցվել Թբիլիսիում գործարարի սպանություն պատվիրելու փաստով. տեղեկացնում է Интерфакс-ը:

Սեփական մեքենայում գնդակահարված Ավթանդիլ Ադուաշվիլիի դին հայտնաբերվել էր 2012-ի նոյեմբերին: Ըստ վրացական ԶԼՄ-ների` գործարարը Պավլիաշվիլիի ընկերն էր: Գործի շրջանակներում արդեն ձերբակալվել են երգչի փեսան եւ եւս 5 հոգի: Հետաքննության ընթացքում` վկաների ցուցմունքների հիման վրա, պարզվել է, որ սպանության պատվիրատուն կարող է լինել Սոսո Պավլիաշվիլին: Մինչդեռ փաստաբանները դա անհեթեթություն են համարում` հայտարարելով, որ խոսքը ասեկոսեների մասին է, որոնք ոչ մի ապացույցի վրա հիմնված չեն: