Իրանը Սեպտեմբերի 11-ի դերակատարներից է եղել

2001-ի սեպտեմբերի 11-ի ահաբեկչության մեջ Իրանն ու «Հըզբոլլահը» իրենց մեծ բաժինն են ունեցել. գրում է The New York Times-ը:

Ըստ օրաթերթի՝ Իրանի հետախուզական ծառայության երկու նախկին պաշտոնյաներ, Մանհեթենի դաշնային դատարանում ցուցմունք են տվել, թե Իրանի իշխանությունները նախապես տեղեկացված են եղել սեպտեմբերի 11-ի ահաբեկչական գործողության մասին:

Նրանց  հայտարարել են, որ Իրանը ու «Հըզբոլլահը» խմբակցությունը նախքան ահաբեկչությունը աջակցել են ահաբեկիչներին, իսկ գործողությունից հետո Իրանում ապաստան տվել գործողության կազմակերպիչներին:

Մանհեթենի դաշնային դատարանն այս առնչությամբ հայտարարել է, որ չկան հստակ ապացույցներ, թե Իրանն ու «Հիզբոլլահը» նախապես տեղեկացված են եղել հիշյալ ահաբեկչական գործողության մասին, ուստի այդ հարցը պետք է ուսումնասիրվի ԱՄՆ կառավարության կողմից:

Հարկ է նշել, որ Սեպտեմբերի 11-ի հետաքննող հանձնախումբն իր զեկույցում նախապես հայտնել էր, որ Իրանն ու «Հիզբոլլահը» սերտ առնչություն են ունեցել «Ալ-Քաիդա» խմբակցության այն անդամների հետ, որոնք հետագայում դարձան Սեպտեմբերի 11-ի հեղինակները:

Հետաքննող մասնագետների զեկույցը դեռ չի հաստատում Իրանի հետախուզության ծառայությունների նախկին պաշտոնյաների տված ցուցմունքները: