Թզուկներին կրճատել են

Բրիտանական թատրոններից մեկում բեմադրել են «Սպիտակաձյունիկը եւ 7 թզուկները» հեքիաթը, բայց` առանց թզուկների:

Նման որոշում է կայացվել` ելնելով տնտեսման նկատառումներից: Ընդ որում` բավական մեծ գումարներ են ծախսվել հատուկ էֆեկտների վրա, որոնք գրավում են հանդիսատեսին: Ըստ պրոդյուսեր Ջոնաթան Քիլիի` ժամանակակից հանդիսատեսը շատ չմահավան է, նրան հարկավոր է ձայնային ու լուսային էֆեկտներով շոու, իսկ թզուկ-դերասաններին աշխատավարձը շաբաթական 600-850 ֆունտ է:

Թզուկներից հրաժարվելու գաղափարը շատ հակառակորդներ ունի: Նրանք կարծում են, որ առանց այդ մարդուկների հեքիաթը կորցնում է իր ողջ հմայքը:

Ներկայումս, որպես այլընտրանքային տարբերակ, ներկայացման կազմակերպիչները փորձում են կարճ ժամկետներում 7 երեխա գտնել, որոնց էլ կվստահեն հեքիաթային մարդուկների դերը: