Փոխարժեքներ
02 10 2024
|
||
---|---|---|
USD | ⚊ | $ 387.18 |
EUR | ⚊ | € 428.45 |
RUB | ⚊ | ₽ 4.1 |
GBP | ⚊ | £ 514.06 |
GEL | ⚊ | ₾ 141.75 |
Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության մամուլի քարտուղար Նելլի Չերչինյանը Ադրբեջանի քաղաքացիական ավիացիայի պետական վարչության տնօրեն Արիֆ Մամեդովի հայտարարությանը ոչ մի մեկնաբանություն չտվեց` «Երկիր»-ին հայտնելով. «Այս պահին ոչ մի մեկնաբանություն չեմ կարող անել: Իսկ ինչ վերաբերում է ադրբեջանական կողմի` մեզ հասցեագրված նամակին, դեռեւս նման նամակ չենք ստացել: Այս ամենի վերաբերյալ մեր մեկնաբանությունը կանենք մի քանի օրից»:
Հիշեցնենք, որ Ադրբեջանի քաղաքացիական ավիացիայի պետական վարչության տնօրեն Արիֆ Մամեդովը այսօր հայտարարել էր, թե իրենք նամակ են ուղղել Քաղաքացիական ավիացիայի միջազգային կազմակերպությանը (ICAO)` հայտարարելով, որ ԼՂ օդային տարածքը փակ է, եւ իրենք ոչնչացնելու են դեպի Ստեփանակերտ թռչող ինքնաթիռները: Ըստ Մամեդովի` ICAO-ն Ադրբեջանի նամակը փոխանցել է Հայաստանին: