ՀՅԴ-ն դատապարտում է

ՀՀ ԱԺ ՀՅԴ խմբակցությունն իր վրդովմունքն է հայտնում այսօր ՀՀ կառավարության շենքի առջև տեղի ունեցած միջադեպի կապակցությամբ:

«Իրենց իրավունքների պաշտպանությանն ուղղված` ՀՀ քաղաքացիների խաղաղ ցույցը իրավապահ մարմինների ներկայացուցիչների կողմից խոչընդոտվել է ուժի կիրառմամբ: Տուժել են ՀՀ քաղաքացիներ: Բռնություն է կիրառվել անձեռնմխելիությամբ օժտված ՀՀ ԱԺ պատգամավորների նկատմամբ:

Դատապարտում ենք տեղի ունեցածը: Իրավասու մարմիններից պահանջում ենք անցկացնել անաչառ քննություն, տալ կատարվածի իրավական գնահատականը և պատասխանատվության ենթարկել մեղավորներին»,- ասված է խմբակցության տարածած հայտարարության մեջ: