Չինաստանում 1,34 մլրդ մարդ է ապրում

2010 թվականի վերջին Չինաստանի բնակչության թիվն անցել է 1,34 մլրդի սահմանը: Այդ տվյալներն այսօր հրապարակել է ՉԺՀ պետական վիճակագրական վարչությունը:

Անցյալ տարվա նոյեմբերին երկրում անցկացվել է 6-րդ համաժողովրդական մարդահամարը: Դրա վերջնական տվյալները կհրապարակվեն այս տարվա ամռանը:

Մարդահամարի անցկացման ընթացքում խնդիր է դրվել ոչ միայն պարզել բնակչության թիվը, նաեւ տվյալներ հավաքել կրթության մակարդակի, սեռերի հարաբերակցության, բնակչության զբաղվածության, մահացության, բնակարանային պայմանների եւ այլնի վերաբերյալ:

Ի դեպ, մարդահամարի անցկացման ընթացքում գրանցվել են նաեւ այդ ընթացքում Չինաստանում գտնվող օտարերկրյա քաղաքացիները: