Մոնտենեգրոն հեռացավ Միկայից

Իսպանացի կիսապաշտպան Ուլիսես Մոնտենեգրոն միացել էր «Միկային», որը Կիպրոսում այս օրերին հավաք է անցկացնում։ 2010թ. Հայաստանի առաջնության ավարտից հետո նշվում է, որ Ուլիսես Մոնտենեգրոն հեռացել է թիմից, սակայն ֆուտբոլիստը պայմանագիր ունի «Միկայի» հետ և մասնակցում է կիպրոսյան հավաքին։

Այդուամենայնիվ, Մոնտենեգրոն, ամենայն հավանականությամբ, կհեռանա «Միկայից»։ «Գազովիկի» հետ ընկերական հանդիպման ընթացքում Ուլիսեսը զարմանալիորեն իներտ էր, ինչն էլ նրա փոխարինման պատճառ դարձավ:

«Ֆուտբոլ+» պարբերականը տեղեկացնում է, որ այս խաղի հաջորդ օրն իսպանացի կիսապաշտպանը լքեց «Միկան» և վերադարձավ հայրենիք: Ամենայն հավանականությամբ, նա այլևս «Միկայում» չի խաղա: