Բարեփոխումներն ընթացքի մեջ են

Արդարադատության նախարարությունում աշխատանքային գործընթացներն առավել արդյունավետ կազմակերպելու համար կատարվել են մի շարք բարեփոխումներ:

Ինչպես տեղեկացնում է նախարարության մամուլի ծառայությունը, քաղաքացիների դիմումներին, հարցերին և բողոքներին արագ արձագանքելու, հասարակության հետ անմիջական կապը խորացնելու և մատուցվող ծառայությունների որակը բարելավելու նպատակով սկսել են գործել հետևյալ հեռախոսահամարները`

ՀՀ արդարադատության նախարարություն` 35 83 99

Դատական ակտերի հարկադիր կատարման ծառայություն` 34 22 29

Իրավաբանական անձանց պետական ռեգիստրի գործակալություն` 52 45 16

Քրեակատարողական ծառայություն` 44 22 73

Էլ. փոստ` [email protected]

Բացի այդ`նոտարական գրասենյակներում, ՔԿԱԳ եւ իրավաբանական անձանց պետական ռեգիստրի կենտրոնական մարմիններում, բոլոր տարածքային բաժիններում տեղադրվել են ցուցատախտակներ, որոնց վրա փակցված են`

1. դիմումի ձևանմուշներ` պետական գրանցման, պետական հաշվառման և պետական միասնական գրանցամատյանից տեղեկություններ ստանալու համար, տեղեկություններ` լրացման կարգի և փաստաթղթերի տրամադրման ժամկետների մասին,

2. պետական գրանցման, պետական հաշվառման և տեղեկություններ ստանալու համար վճարվող պետական տուրքերի հաշվեհամարները և վճարման ենթակա գումարի չափը,

3. աշխատանքի օրերը և ժամերը:

Պետական ռեգիստրի կայքում` www.stateregistry.am, տեղադրվել են առևտրային կազմակերպություն գրանցելու համար հիմնադիրների ժողովի արձանագրության, հիմնադրի որոշման և կանոնադրության նմուշային ձևերը, ինչպես նաև անվճար տեղեկություններից օգտվելու ձևերը: