Մեկ Թուրքիան է դրան դեմ, մեկ էլ...

ՀՅԴ-ն կողմ է երկպալատ խորհրդարանի ստեղծմանը: Դաշնակցության ներկայացուցիչ Հրանտ Մարգարյանն այդ թեման վաղուց է արծարծել, ոչ միայն հրապարակային, այլեւ տարբեր հանդիպումների ժամանակ: Այս մասին այսօր լրագրողների հետ հանդիպման ժամանակ հայտարարեց ՀՅԴ ներկայացուցիչ, ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Հրայր Կարապետյանը:

Կարապետյանի կարծիքով` նրանք, ովքեր մերժում են այս գաղափարը, մեր թշնամուն են աջակցում, քանի որ մեկ Թուրքիան է դրան դեմ, մեկ էլ` այդ մարդիկ: Այժմ քննարկվում է զինվորական օմբուդսմենի հարցը` չնայած, ինչպես նշեց պարոն Կարապետյանը, նախկին օմբուդսմենն ընդդիմացել է եւ ասել, որ դրա կարիքը չկա:

«Այդպիսի սահմանափակում` թե ինչ հրաման իրավունք չունի հրամանատարը տալ, հիմա չկա, ինչ ուզում են` անում են. զինվորի արժանապատվությունը վիրավորող ցանկացած հրաման հրամանատարն իրավունք չունի տալ»,- նշեց Հ. Կարապետյանը: