Մեր Առնոն

90 առաջ այսօրը` հունվարի 21-ին, աշխարհ եկավ 20-րդ դարի հայ լավագույն կոմպոզիտորներից մեկը` Առնո Բաբաջանյանը: Նրա  երգը հնչում էր ամենուր: Ազգայինը, դասականն ու ժամանակակիցը միաձուլված էին նրա երաժշտության մեջ: Ինքը` Բաբաջանյանը, իր երաժշտության մասին ասում էր. «Լավագույն երգս դեռ նոր պիտի գրեմ...»:

Մշակույթի նախարարությունը 2011-ը հայտարարել է Բաբաջանյանական տարի, սպասվում են տարբեր միջոցառումներ, գիտաժողով եւ դաշնակահարների մրցույթ: Իսկ այսօր միջոցառումները կսահմանափակվեն միայն նրա արձանին եւ շիրիմին այցելություններով:

Այսօր, Առնո Բաբաջանյանի 90-ամյակին նվիրված մամլո ասուլիս էին տվել սցենարիստ, պրոդյուսեր Մարկ Պողոսյանը եւ երաժշտագետ Նելի Ավետիսյանը: Մարկ Պողոսյանը Բաբաջանյանական ֆոնդի օժանդակությամբ ֆիլմ է նկարահանել, որը հավանաբար էկրան կբարձրանա մեկ ամսից: Գումարի սղության պատճառով, ֆիլմը դեռ մոնտաժված չէ:

«Մեր Առնոն... ու նրա մասին» ֆիլմում Բաբաջանյանի կյանքի եւ գործունեության մասին հիշողություններ են պատմում Իրոսիֆ Կոբզոնը, Ալեքսանդրա Պախմուտովան, Եվգենի Եվտուշենկոն, Կոնստանտին Օրբելյանը եւ ուրիշներ:

Հուսանք, որ Բաբաջանյանական տարում շատ կլինեն Բաբաջանյանական օրերը: