ԱՄՆ գերագույն ատյանի դատարանը մերժել է թուրքական հայցը

ԱՄՆ Գերագույն դատարանը մերժել է թուրքական հայցը: ՀՅԴ Հայ Դատի գրասենյակի գործադիր տնօրեն Արամ Համբարյանը ողջունել է դատարանի՝ որոշումը, որը «հաստատել է առաջին դատարանի որոշումն առ այն, որն արգելում է թուրքերի կողմից Ցեղասպանության ժխտման թեման ներառել հանրակրթական դպրոցներում»: «Այս հաղթանակը, թեև լուրջ խոչընդոտ է թուրքական մերժման քարոզարշավի համար, սակայն  վերջը չի, որով փորձում են  ստիպել մեր երկրին ընդունել իրենց տեսակետից «301 հոդվածը», որը ենթադրում է Ամերիկյան հանրակրթական դպրոցներում Ցեղասպանության մասին քննարկումների լռեցում»,-ասել է Արամ Համբարյանը:

Հիշեցնենք, որ գործընթացը սկսվել է  2005թ. ին, երբ թուրք-ամերիկյան ասոցացիայի ջանքերով գործ հարուցվեց Մասաչուսեթսի դատարանում, որտեղ պնդում էին ներառել Հայոց Ցեղասպանության ժխտման թեման ուսումնական ձեռնարկներում:  2009թ, հունիսին, ԱՄՆ-ի շրջանային դատարանը մերժեց գործը պատճառաբանելով, որ ներկայացրած նյութերը բավարար չեն դատարանի համար: 2010թ. Առաջին ատյանի դատարանը ձայների մեծամասնությամբ ևս մերժեց այն:

Ողջ իրավական գործընթացի ընթացքում, Ամերիկայի Հայ Դատը համագործակցել է Իռլանդիայի իմմիգրացիոն կենտրոնի, Հրեաների՝  «հանուն օրենքի և հասարակության» շարժման, «NAACP-ի», Ցեղասպանության ուսումնական ծրագրի և Զորյան ինստիտուտի հետ, Մասաչուսեթսի դարարաննին կոչ անելով մերժել գործը:

Այս գործը դիտվում է, որպես Թուրք-Ամերիկյան խմբերի մեծ ռազմավարություն, որը նպատակաուղղված է խայտառակել մարդու իրավունքների պաշտպաններին, որոնք զբաղվում են Հայոց Ցեղասպանության հարցերով, օգտագործելով իրավական դաշտը,: Ամենավերջին գործը եղավ Թուրքիայի կոալիցիայի ներկայացուցիչների գործն ընդդեմ Մինեսոտայի համալսարանի, որպեսզի Հոլոքոստի դասընթացների այցելուներին զգուշացնեն, Հայոց Ցեղասպանությունը ժխտող կայքերի մասին: