Բանակցություններ Ստամբուլում

Իրանը մտադիր է անկացնել հունվարի 21-22-ը Ստամբուլում սպասվող բանակցությունները միջազգային միջնորդների «վեցյակի» (Ռուսաստան, Չինաստան, ԱՄՆ, Ֆրանսիա, Մեծ Բրիտանիա եւ Գերմանիա) հետ անցկացնել «կառուցողական մթնոլորտում»: Այս մասին Անկարայում Իրանի ԱԳՆ-ի ղեկավարի պաշտոնակատար Ալի Ակբար Սալեխին հայտնել է Թուրքիայի արտգործնախարար Ահմեդ Դավութօղլուն:

Իր հերթին Թուրքիայի ԱԳՆ-ի ղեկավարը նշել է, որ Անկարան Իրանի միջուկային խնդրի դիվանագիտական ճանապարհով լուծման կողմնակից է:

Դավութօղլուն Սալեխիին տեղեկացրել է նաեւ Եվրահանձնաժողովի արտասահմանյան գործերի եւ անվտանգության քաղաքականության ներկայացուցչի Քեթրին Էշտոնի հանդիպման արդյունքների վերաբերյալ, որը տեղի է ունեցել անցած շաբաթ: Այս հադիպումը նվիրված էր ստամբուլյան բանակցությունների պատրաստմանը Իրանի հետ:

«Վեցյակը» 2003-ից ՄԱԳԱՏԷ-ի հետ համատեղ ձգտում է հասնել նրան, որ Իրանը կանգնեցնի ուրանի հարստացման աշխատանքները:

ԱՄՆ-ն եւ մի շարք Արեւմուտքի երկրներ մեղադրում են Իրանին միջուկային զենքի պատրաստման մեջ: Իրանը բոլոր մեղադրանքները մերժում է, ասելով, որ իր միջուկային ծրագիրը ուղղված է բացառապես իր երկրի էլեկտրաէներգիայի պահանջարկի բավարարմանը: